Ek Dushman Ko baDe Pyar Se Mehman Kiya

ek dushman ko baḌe pyaar se mehman kiya

ham ne kanTon se saje tasht ko gul-dan kiya

ham ne sincha hai dil-o-tan ke lahu se is ko

varna ye ek bayaban tha gulistan kiya

phir bhi ham tujh pe luTate hain dil-o-tan ka lahu

tere rishte ne magar ham ko bhi anjan kiya

gaanv bhi Duub gaya mauj-e-bala men ai dost

ab ke barsat ne har mauj ko tufan kiya

ham ne insan ko naslon men yahan baanT diya

sayyad-o-shaiḳh kiya mir-o-mughal ḳhaan kiya

kis ne tahzib ki divar gira di ‘aḳhtar’

ek ik shahar ko kam-baḳht ne viran kiya