ek do raat men shohrat nahin milti pagle
itne saste men ye daulat nahin milti pagle
ho agar ḳhauf-e-ḳhuda kaam bana karta hai
sirf misvak se jannat nahin milti pagle
main jo ḳhud chal ke tiri zaat talak aaya huun
varna yuun hai ke mohabbat nahin milti pagle
ham ko zid thi ke yahi rasta chalna hai hamen
varna har moḌ pe aafat nahin milti pagle
sar paTakne se to bas ḳhuun baha karta hai
sar paTakne se to izzat nahin milti pagle
Leave a Reply