Idris Babar
ek din ḳhvab-nagar jaana hai
aur yunhi ḳhak-basar jaana hai
umr bhar ki ye jo hai be-ḳhvabi
ye usi ḳhvab ka harjana hai
ghar se kis vaqt chale the ham log
ḳhair ab kaun sa ghar jaana hai
maut ki pahli alamat sahib
yahi ehsas ka mar jaana hai
kisi taqrib-e-juda.i ke baghair
Thiik hai jaao agar jaana hai
shor ki dhuul men gum galiyon se
dil ko chup-chap guzar jaana hai
Leave a Reply