Naresh Kumar Shad
ek dhoka hai ye shab-rang savera kya hai
ye ujala hai ujala to andhera kya hai
tu mire gham men na hansti hui ankhon ko rula
main to mar mar ke bhi ji sakta huun mera kya hai
zarre zarre men dhaḌakti hai koi shai jaise
tiri nazron ne fazaon men bikhera kya hai
dard-e-duniya ki taḌap dil men mire rahne de
tu to ankhon men bhi rah sakti hai tera kya hai
tang hai ‘shad’ mire zauq ki vus.at ke liye
halqa-e-zulf hai afaq ka ghera kya hai
Leave a Reply