Khalid Iqbal Yasir
ik da.ere ki shakl men khincha hua hisar
yalghar se kuchh aur bhi badla hua hisar
ik shahr-e-ḳhvab tha ki jahan qil.a-band the
a.ada ki yurishon se tavana hua hisar
chahe rasad ke raste masdud the bahut
jitna baḌha muhasara puḳhta hua hisar
abad bastiyan thiin fasilon ke saa.e men
aapas men bastiyon ko milata hua hisar
indar se rah kisi ne dikha.i ghanim ko
phir main tha aur samne girta hua hisar
Leave a Reply