ek barsat men maidan samundar hoga
dard socha nahin tha soch se baḌh kar hoga
vo jo aa.ega mire paas masiha ban kar
us ke hathon men mire naam ka ḳhanjar hoga
tez chalne se hai maqsud ravani sun lo
thak ke jo baiTh gaya miil ka patthar hoga
laakh lete raho hathon ki talashi mere
jo bhi andar hai mire zehn ke andar hoga
surḳh ankhon ka kahan rang hua karta hai
ḳhuun men lipTe hue ḳhvab ka manzar hoga
jo gira dega mujhe taash ke patton ki tarah
meri ta.amir men tujh sa koi patthar hoga
Leave a Reply