ajiz-matvi

Ek Bar Apna Zarf-e-Nazar dekh Lijiye

ik baar apna zarf-e-nazar dekh lijiye

phir chahe jis ke aib-o-hunar dekh lijiye

kya jaane kis maqam pe kis shai ki ho talab

chalne se pahle zad-e-safar dekh lijiye

ho jaega ḳhud aap ko ehsas be-ruḳhi

gar aap mera zaḳhm-e-jigar dekh lijiye

sab ki taraf hai aap ki chashm-e-navazishat

kaash ek baar aap idhar dekh lijiye

taare main toḌ la.unga akash se magar

shafqat se aap bazu-o-par dekh lijiye

jamhuriyat ka dars agar chahte hain aap

koi bhi saya-dar shajar dekh lijiye

ho jaegi haqiqat-e-shams-o-qamar ayaan

un ko nigah bhar ke agar dekh lijiye

ye barq-e-hadisat bhi kya zulm dhaegi

uThne lage gulon se sharar dekh lijiye

‘ajiz’ chali hain aisi ta.assub ki andhiyan

ujḌe hue nagar ke nagar dekh lijiye

More Poems

Leave a Comment