Ajay Sahaab
ik band ho gaya hai to kholenge baab aur
ubhrenge apni raat se sau aftab aur
ruh-e-bashar ghulam hai koi bhi ho nizam
ab bhi jahan ko chahiye kuchh inqalab aur
jab bhi baḌhi hai tishnagi mulk-o-avam ki
chhalki hai qasr-e-shah men thoḌi sharab aur
aḳhlaq ki naqab men le kar vali ka dhong
nochenge meri laash ko kitne uqaab aur
darne laga tu ek hi hamle men vaqt ke
baaqi hain teri ziist men kitne azaab aur
Leave a Reply