ik avara sa lamha kya qafas men aa gaya hai
laga jaise zamana dastaras men aa gaya hai
ye kis konpal khuli saa.at sada di hai kisi ne
ruton ka ras har ik taar nafas men aa gaya hai
ham us kuche se nisbat ki ḳhushi kaise sambhalen
hamara naam us ke ḳhar-o-ḳhas men aa gaya hai
lahu men lau kahan maujud zinda rabte ki
nibhane ko faqat be-ruh rasmen aa gaya hai
ana ke faisle kya marzi-e-pindar kaisi
mira hona na hona us ke bas men aa gaya hai
utar aa.e un ankhon men kuchh aise aks ‘ali’
ki dil phir se giraft-e-pesh-o-pas men aa gaya hai
Leave a Reply