ehsas-e-be-zaban ki latafat isi men thi
main ne kaha na kuchh ki mohabbat isi men thi
ye shahar jis men naam kamana muhal tha
ham guftugu-e-shahr the shohrat isi men thi
vaise to dil ke TuTne ka kuchh nahin malal
lekin tire jamal ki surat isi men thi
achchha hua ki dekhne aaya na vo hamen
chehre pe pat-jhaḌon ki bhi izzat isi men thi
yaran-e-kam-nigah use dekhte bhi kya
ye sadgi ki saari qayamat isi men thi
Leave a Reply