Aashiq-E-Haq Hain Hamin Shikwa-E-Taqdir Nahin

ashiq-e-haq hain hamin shikva-e-taqdir nahin

pech-e-qismat ka kam-az-zulf-e-girah-gir nahin

bas ki aahon se asiron ke bahe lakht-e-jigar

be-nagin aaj koi khana-e-zanjir nahin

kushtani paas to aa jaae magar tere paas

neza-o-tir hi hai dashna-o-shamshir nahin

sab ke is umr men ho jaate hain aise hi havas

tujh se kuchh shikva hamen ai falak-e-pir nahin

ghar ki virani ko kya rouun ki ye pahle se

tang itna hai ki gunjaish-e-taamir nahin

adamiyat nahin tujh men ye adu ki hai gharaz

yuun pari kahne men maana tiri tahqir nahin

jumbish abru ko hai lekin nahin ashiq pe nigah

tum kaman kyuun liye phirte ho agar tiir nahin

himmat-e-murgh-e-sahar-khvan ka huun qaail ki use

naale se zamzama maqsud hai tasir nahin

apne ustad ke andaz pe mera hai kalam

mujh ko ‘nazim’ havas-e-pairvi-e-‘mir’ nahin

Leave a Comment