Poet
dushman ki baat jab tiri mahfil men rah gai
ummid yaas ban ke mire dil men rah gai
tu ham se chhap gaya to tiri shakl-e-dil-fareb
tasvir ban ke aina-e-dil men rah gai
nikla vahan se main to mire dil ki aarzu
sar pitti hui tiri mahfil men rah gai
dekha jo qatl-e-am to har laash par ajal
ik aah bhar ke kucha-e-qatil men rah gai
main kya kahun ‘rasa’ ki mire dil pe kya bani
talvar khich ke jab kaf-e-qatil men rah gai
Leave a Reply