Dushman Ke Iradon Ki Khabar Hai Ki Nahin Hai

dushman ke iradon ki khabar hai ki nahin hai

halat pe kuchh teri nazar hai ki nahin hai

dekho to shab-e-tar ke maare hue logo

jo shaam hai paband-e-sahar hai ki nahin hai

jis samt tumhen le ke chali andhi aqidat

us samt koi rahguzar hai ki nahin

ki aur andhere ne miri tez basarat

mamnun manazir ki nazar hai ki nahin hai

ye dekh le tu khvahish-e-dastar se pahle

‘asi’ tire kandhe pe bhi sar hai ki nahin hai

Leave a Comment