Noshi Gilani
dushman-e-jan kai qabile hue
phir bhi khushbu ke haath piile hue
bad-gumani ke sard mausam men
meri gudiya ke haath niile hue
jab zamin ki zaban chatakhne lagi
tab kahin barishon ke hiile hue
vaqt ne khaak vo udaai hai
shahr abad the jo tiile hue
jab parindon ki saans rukne lagi
tab havaon ke kuchh vasile hue
koi barish thi bad-gumani ki
saare kaghaz hi dil ke giile hue
Leave a Reply