Syed Zamin Abbas Kazmi
dushman apna bhi nahin koi fasadi bhi nahin
baat idhar ki main udhar karne ka aadi bhi nahin
tujh ko dekha gaya aur der talak parkha gaya
hijr ka faisla kuchh ghair-iradi bhi nahin
marg-e-ehsas pe is darja ḳhamoshi duniya
koi elaan nahin koi munadi bhi nahin
main use zehn men har vaqt liye phirta raha
jis ne pahlu men mujhe apne jagah di bhi nahin
us ki tasvir banata raha jadval ki baja.e
aur is baar to madam ne saza di bhi nahin
ye alag baat mira mas.ala maada hai magar
dekha jaa.e to mira mas.ala maadi bhi nahin
Leave a Reply