Sultan Rashk
duur se dekh rahe the mire ahbab mujhe
apne hamrah baha le gaya sailab mujhe
vo tire qurb ki ḳhushbu ko ayaan ho na nihan
vo haqiqat bhi nazar aati hai ik ḳhvab mujhe
main ki sahil ka tamanna.i tha lekin ab to
apne aghosh men leta nahin girdab mujhe
main to sadiyon ka nindasa huun magar ye to batao
kyuun ye mahaul nazar aata hai be-ḳhvab mujhe
isti.ara huun na.e ahd men gum-shudagi ka
bhulte jaate hain maazi ke hasin ḳhvab mujhe
sar-e-hasti to usi chashm-e-gurezan se mila
kya mila ‘rashk’ sar-e-mimbar-o-mehrab mujhe
Leave a Reply