Duniya Agar Jalaegi to Kya Jalunga Main

duniyā agar jalā.egī to kyā jalūñgā maiñ

haañ tum jalā rahe ho to achchhā jalūñgā maiñ

ashkoñ kī vo kamī ki badan ḳhushk ho chukā

is baar jal uThūñgā to saarā jalūñgā maiñ

tum jal nahīñ sake to havā.eñ hī rok lo

kab tak in āñdhiyoñ meñ akelā jalūñgā maiñ

huuñ ashk-bār mujh ko abhī mat jalā.iye

hogā dhuāñ ziyāda jo giilā jalūñgā maiñ

ab aise kyā batā.ūñ ye andāza hai mirā

barsāt ke hisāb se ḳhāsā jalūñgā maiñ

Leave a Comment