Din Ko the Hum Ek Tasawwur Raat Ko Ek KHwab The

Poet

din ko the ham ik tasavvur raat ko ik ḳhvab the

ham samundar ho ke bhi is ke liye payab the

sard se marmar pe shab ko jo ubhare the nuqush

sub.h ko dekha to sab aks-e-hunar nayab the

vo ilaqe zindagi-bhar jo nami manga kiye

kal ghaTa.en chha.in to dekha ki zer-e-ab the

ik kiran bhi ahd men un ke na bhule se mili

din ke jo suraj the apne raat ke mahtab the

aaj un peḌon pe suraj ki kiran rukti nahin

kal yahi the bar-avar kal yahi shadab the

ab khula ki bundiyan moti hain Dhalti thiin kahan

ham jo Duube haath apne gauhar-e-nayab the

koi apni bhi haqiqat mil ke dariya se ‘shafaq’

chhoTe chhoTe apne naale kis qadar betab the