din Dhala shab hui charagh jale
bazm-e-rindan men phir ayagh jale
daf.atan andhiyon ne ruḳh badla
na-gahan aarzu ke baagh jale
aas Duubi to dil hua raushan
bujh gaya dil to dil ke daagh jale
jal-bujhe justuju ke parvane
mustaqil manzil-e-suragh jale
gaah masrufiyat sulag uTThe
gaah tanha.i o faragh jale
ankhen karti hain shabnam-afshani
jab tiri yaad men dimagh jale
un ka chehra tah-e-naqab ‘aḳhtar’
jaise parde men ik charagh jale
Leave a Reply