dil se kah aahen na har aan bhare
kuchh jigar ho to dam insan bhare
ḳhvahishon ko main karun kya ai sabr
ghar men muflis ke hain arman bhare
ham to mizhgan ki namat ham-chashmon
ḳhali haath aa.e hain arman bhare
ashk daana hai to nazron se na gir
daman is dhabbe se nadan bhare
zabt roke na to dikhla.un aankh
pal men paani abhi tufan bhare
chashm-e-ushshaq ke bar ro mat aa
ai sadaf dur ne tire kaan bhare
gar vo but nam-e-ḳhuda goya ho
kalima ka dam na musalman bhare
fauj alfaz ki bharti hai ‘nasim’
sher par kun se hain divan bhare
Leave a Reply