dil se dil ka rasta bhi azmana chahiye
ruuTh jaa.e koi to us ko manana chahiye
baad muddat ke vo mil jaa.e kisi mahfil men to
haal apna bhi use phir kuchh sunana chahiye
zindagi jab chheḌ deti hai ghalat dhun koi bhi
bahr ya phir qafiya us men lagana chahiye
yuun to andhi men diya raushan rahe mumkin nahin
kuchh mohabbat ke charaghon ko jalana chahiye
vo tajahul hai jo mujh se is tarah mahfil men ab
us ki is harakat ko chupke se chhupana chahiye
chhoḌ kar chahe chala jaa.e vo kuchh bole bina
apne hisse ki vafa ko bas nibhana chahiye
roz qasid dekhta rahta huun qasid ki Dagar
koi us ka bhi javabi ḳhat to aana chahiye
Leave a Reply