Moin Shadab
dil-sahra abad bhi karna paḌta hai
us zalim ko yaad bhi karna paḌta hai
be-maqsad ke shaghl bhi raas aa jaate hain
vaqt kabhi barbad bhi karna paḌta hai
arz hi karte rahne men ghaTa hai bahut
kabhi kabhi irshad bhi karna paḌta hai
jalvon ke ḳhush-rang parindon ki ḳhatir
ankhon ko sayyad bhi karna paḌta hai
aamad ke qaa.el to ham bhi hain lekin
fan-para ijad bhi karna paḌta hai
Leave a Reply