Poet
dil pe aafat aai ab ik aan men
zulf kuchh kahti hai us ke kaan men
saath is ke ghair bhi aa jaega
kyuun ki us kafir ko laun dhyan men
qimat-e-dil chahiye bose kai
aage jo aae tire iman men
hai ye nafrat ghair se laae nahin
rashk ka mazmun bhi ham divan men
puchhta kya hai hamari zindagi
jiite hain par maut ke arman men
taur marne ke na the ‘salik’ tire
haan magar rakhta hai kya insan men
Leave a Reply