ik pal bhi mire haal se ghafil nahin Thahra
kyuun phir vo mire dard men shamil nahin Thahra
halat ke paale hue ifrit ke hathon
siine men kabhi saans kabhi dil nahin Thahra
har ḳhvahish-e-jan maar ke sab rahaten taj ke
juz mere koi gham ke muqabil nahin Thahra
jis shaḳhs ko aata tha hunar nauhagari ka
vo shaḳhs bhi ab ke lab-e-sahil nahin Thahra
kuchh is ke siva aur bhi ilzam bahut the
kab muntazir-e-ḳhanjar-e-qatil nahin Thahra
Leave a Reply