poet

Dil Ne Paya Jo Mere Muzhda Teri Pati Ka

dil ne paaya jo mire muzhda tiri paati ka

munh phira su-e-badan jan-e-ba-lab aati ka

yuun to ai yar-e-dil-afroz tu sab ka hai vale

daagh jan-soz niraya hai miri chhati ka

dil dam-e-ah-e-sahar-khez chala jaata hai

mutriba chup hai tu kyuun vaqt hai parbhati ka

dil-e-afsurda ko hai soz-e-darun se kya rabt

kaam kya khana-e-viran men diye-bati ka

is jahan men sifat-e-ishq se mausuf hain ham

na karo aib hamare hunar-e-zati ka

yaar sun sun ke sab ahval-e-kharab-e-‘hasrat’

bola kya kaam hai yaan aise kharabati ka

More Poems

Leave a Comment