Devmani Pandey
dil ne chaha bahut aur mila kuchh nahin
zindagi hasraton ke siva kuchh nahin
ishq ne ham ko saughat men kya diya
zaḳhm aise ki jin ki dava kuchh nahin
paḌh ke dekhi kitaben mohabbat ki sab
ansuon ke alava mila kuchh nahin
har ḳhushi ka maza gham ki nisbat se hai
gham nahin hai agar to maza kuchh nahin
zindagi mujh se ab tak tu kyuun duur hai
darmiyan apne jab fasla kuchh nahin
Leave a Reply