Dil Mohabbat Mein Mubtala Ho Jae

dil mohabbat meñ mubtalā ho jaa.e

jo abhī tak na ho sakā ho jaa.e

tujh meñ ye aib hai ki ḳhūbī hai

jo tujhe dekh le tirā ho jaa.e

ḳhud ko aisī jagah chhupāyā hai

koī DhūñDhe to lāpatā ho jaa.e

maiñ tujhe chhoḌ kar chalā jā.ūñ

saayā dīvār se judā ho jaa.e

bas vo itnā kahe mujhe tum se

aur phir call munqata.a ho jaa.e

dil bhī kaisā daraḳht hai ‘hāfī’

jo tirī yaad se harā ho jaa.e

Leave a Comment