Tahzeeb Hafi
dil mohabbat men mubtala ho jaa.e
jo abhi tak na ho saka ho jaa.e
tujh men ye aib hai ki ḳhubi hai
jo tujhe dekh le tira ho jaa.e
ḳhud ko aisi jagah chhupaya hai
koi DhunDhe to lapata ho jaa.e
main tujhe chhoḌ kar chala ja.un
saaya divar se juda ho jaa.e
bas vo itna kahe mujhe tum se
aur phir call munqata.a ho jaa.e
dil bhi kaisa daraḳht hai ‘hafi’
jo tiri yaad se hara ho jaa.e
Leave a Reply