dil men rakhta hai na palkon pe bithata hai mujhe
phir bhi ik shakhs men kya kya nazar aata hai mujhe
raat ka vaqt hai suraj hai mira rah-numa
der se duur se ye kaun bulata hai mujhe
meri in ankhon ko khvabon se pashemani hai
niind ke naam se jo haul sa aata hai mujhe
tera munkir nahin ai vaqt magar dekhna hai
bichhde logon se kahan kaise milata hai mujhe
qissa-e-dard men ye baat kahan se aai
main bahut hansta huun jab koi sunata hai mujhe
Leave a Reply