Dil Mein Kuchh Hai Bayan Mein Kuchh Hai

dil meñ kuchh hai bayān meñ kuchh hai

aap kī dāstān meñ kuchh hai

mere vahm-o-gumān se baḌh kar

un ke tīr-o-kamān meñ kuchh hai

paañv rakhiye sambhal ke bastī meñ

ghar meñ kuchh sā.ebān meñ kuchh hai

pairv-e-maz.hab-e-mohabbat huuñ

dekhtā kuchh huuñ dhyān meñ kuchh hai

jab diloñ meñ rahe na gunjā.ish

maañ na samjhe makān meñ kuchh hai

ruḳh havā kā na dekhiye ‘anjum’

dekhiye bādbān meñ kuchh hai

Leave a Comment