dil men is ka ḳhayal kyuun aaya
mausam-e-barshgal kyuun aaya
vo jo hansta tha us ke chehre par
aaj rang-e-malal kyuun aaya
naam se mere jis ko nafrat thi
puchhne mera haal kyuun aaya
naaz tha kis liye baharon par
ye bata de zaval kyuun aaya
jis ko shikva tha bad-ḳhisalon se
phir vahi ḳhush-ḳhisal kyuun aaya
san rahe hain ki phir navazish hai
mausam-e-qil-o-qal kyuun aaya
phir ‘vasiyya’ se dosti ka ḳhayal
ye bata den ḳhayal kyuun aaya
Leave a Reply