Mubarak Mungeri
dil men hasrat ka daagh jalta hai
ya haram men charagh jalta hai
ab ḳhirad bhi junun ki raah lagi
dil to dil hai dimagh jalta hai
yaad aati hai arzuon ki
dil ka ek-ek daagh jalta hai
phuul hain ya dahakte angare
fasl-e-gul hai ki baagh jalta hai
yaas men bhi ye hausla dil ka
tirgi men charagh jalta hai
ab nasheman ki ḳhair ho yarab
sho.ala-e-gul se baagh jalta hai
Leave a Reply