dil le ke hamara phirta hai ye kaun vatira tera hai
karta hai chhichhori baten kyuun har baat men tera mera hai
tum chehra apna dikhla do kuchh rah-e-khalasi batla do
ik zulf ka sauda sar men hai ik kaali bala ne ghera hai
is aane ki kya mujh ko khushi pabandi is men kaahe ki
bhule se idhar bhi aa nikle ik jogi ka sa phera hai
ham aap hain ek bala-e-bad kya ham se karega koi kad
aghyar karen ham se kavish munh ham ko saara tera hai
ham jaan se apni jaate hain par dil se ye jaata hi nahin
is ishq ka hove bura ‘anjum’ kya is ne daala dera hai