Shamsa Najm
dil lagane ki sar-e-am saza deta hai
ishq insan ko majnun sa bana deta hai
aisa behis hua insan gham-e-hasti se
qissa-e-dard hansi men vo uḌa deta hai
meri taqsir kiye jaate hain mere apne
ik yahi gham hai mira dil jo dukha deta hai
mujh ko to maut ke darvaze pe pahuncha kar ab
kis liye pyaar se jiine ki dua deta hai
bas kiye jaata hai takzib magar is ke ba.ad
narm lahje se vo arman jaga deta hai
gar koi chiiz muqaddar men nahin hoti to
us ki raghbat ko ḳhuda dil se haTa deta hai
Leave a Reply