dil kuun tujh baaj be-qarari hai
chashm ka kaam ashk-bari hai
shab-e-furqat men monis o hamdam
be-qararon kuun ah-o-zari hai
ai azizan mujhe nahin bardasht
sang-dil ka firaq bhari hai
faiz suun tujh firaq ke sajan
chashm-e-giryan ka kaam jaari hai
fauqiyat le gaya huun bulbul suun
garche mansab men do-hazari hai
ishq-bazon ke haq men qatil ki
har nigah khanjar o katari hai
atish-e-hijr-e-lala-ru suun ‘vali’
daagh siine men yadgari hai
Leave a Reply