Dil Ko Taskin-E-Yar Le Dubi

dil ko taskin-e-yar le Duubi

is chaman ko bahar le Duubi

ashk to pi gae ham un ke huzur

ah-e-be-ikhtiyar le Duubi

ishq ke karobar ko aksar

garmi-e-karobar le Duubi

hal-e-gham un se baar baar kaha

aur hansi baar baar le Duubi

tere har mashvare ko ai naseh

aaj phir yad-e-yar le Duubi

chaar din ka hi saath tha lekin

zindagi ai ‘khumar’ le Duubi

Leave a Comment