dil ko ranjida karo aankh ko pur-nam kar lo
marne vaale ka koi der to matam kar lo
vo abhi lauTe hain haare hue lashkar ki tarah
saz-ha-e-tarab-angez zara kam kar lo
sansanate hain har ik samt havaon ke bhanvar
apne bikhre hue atraf ko baham kar lo
itne tanha ho to is sa.at-e-be-masraf men
apni ankhon men koi chehra mujassam kar lo
ye zamin TuuTe hue chand ki kheti hai ‘zubair’
meri raton men bapa koi bhi aalam kar lo
Leave a Reply