dil ko rah rah ke intizar sa hai
kya kisi samt kuchh ghubar sa hai
dekh kar kashmakash manazir ki
aankh uThana bhi nagavar sa hai
zulf-e-giti sanvarne vaale
sadgi men baḌa singhar sa hai
ik unhen dekho ik mujhe dekho
vaqt kitna karishma-kar sa hai
jaane kyuun har fasana-e-mazi
qissa-e-mausam-e-bahar sa hai
aap ‘mahshar’ se mil ke dekhen to
aadmi vo bhi burdbar sa hai
Leave a Reply