Dil Ki Qismat Ki Tere Dil Mein Samo Bhi Na Saka

dil kī qismat ki tire dil meñ samo bhī na sakā

aur tā-zīst kisī aur kā ho bhī na sakā

ġham-e-paiham ne kabhī fursat-e-ehsās na dī

kyā javānī thī ki jī-bhar ke maiñ ro bhī na sakā

paar bhī kar na sakā bahr-e-junūñ se kam-baḳht

aur dil ziist kī kashtī ko Dubo bhī na sakā

umr-bhar ahd-e-vafā tishna-e-takmīl rahā

maiñ use pā na sakā vo mujhe kho bhī na sakā

jāgne bhī na diyā shauq-e-tasavvur ne kabhī

aur ‘maz.har’ maiñ kabhī raat ko so bhī na sakā

Leave a Comment