Poet
dil ki mayus tamannaon ko mar jaane do
dard ko aḳhiri manzil se guzar jaane do
main ne kab saghar-o-sahba se kiya hai inkar
nashsha-e-bada-e-hasti to utar jaane do
jis ki ai ahl-e-chaman ki hai lahu se ta.amir
ab vo shiraza-e-gulshan na bikhar jaane do
chaar tinkon ki bhi ta.amir hai koi ta.amir
fasl-e-gul aa.egi rakh lenge bikhar jaane do
lazzat-e-gham se taḌapne men maza aata hai
lazzat-e-gham se tabi.at miri bhar jaane do
inqalab aa.ega koi ki bahar aa.egi
ḳhal-o-ḳhad chehra-e-giti ke nikhar jaane do
ham se badle hue tevar hain zamane ke ‘safir’
us ne dekhi hai hamari bhi nazar jaane do
Leave a Reply