dil ki dahliz pe jab shaam ka saaya utra
ufuq-e-dard se siine men ujala utra
raat aa.i to andhere ka samundar umDa
chand nikla to samundar men safina utra
pahle ik yaad si aa.i ḳhalish jaan ban kar
phir ye nashtar rag-e-ehsas men gahra utra
jal chuke ḳhvab to sar nama-e-tabir khula
bujh ga.i aankh to palkon pe sitara utra
sab ummiden mire ashob-e-tamanna tak thiin
bastiyan ho ga.iin gharqab to dariya utra
Leave a Reply