Dil Ke Aaine Mein Nit Jalwa-Kunan Rahta Hai

dil ke aine men nit jalva-kunan rahta hai

ham ne dekha hai tu ai shokh jahan rahta hai

koi din ghar se na nikle hai agar vo khurshid

muntazir shaam talak ek jahan rahta hai

jhaad daman ke taiin maar ke thokar nikle

kahin roke se bhi vo sarv-e-ravan rahta hai

gaahe maahe ai mah-e-id idhar bhi to guzar

roz o shab bazm men tera hi bayan rahta hai

bavajud-e-ki mujhe rabt-e-dili hai us se

ye na puchha kabhu ‘iman’ kahan rahta hai

Leave a Comment