dil ke aghosh men vo rahat-e-jan rahta hai
banda ḳhani men ḳhuda-vand-e-jahan rahta hai
ishq ke aate hi sab jaate rahe hosh-o-havas
janvar rahte nahin sher jahan rahta hai
ek aqlim men do shaah nahin rah sakte
ishq jab aaya lo aram kahan rahta hai
DhunDhiye dil ko to kahte hain vo ye sina-sipar
ik mire ḳhana-e-zanjir men yahan rahta hai
guzre ai paik-e-saba to ye dua kah dena
kucha-e-zulf men dil nam-e-javan rahta hai
Leave a Reply