Poet
dil ka saara ghor andhera duur hua
kis ka hai ye nuur jo main pur-nur hua
zaḳhm risa phir zaḳhm-e-dil nasur hua
rafta rafta jaise bhagalpur hua
yuun to ham ne qisse likkhe ranga-rang
lekin gham ka qissa hi mash.hur hua
paani paani chiḳh raha tha pyasa dil
shahr-e-sitam ka kaisa ye dastur hua
kaisa mulk-shor bapa hai ḳheme men
ankhen suuni dil ka shisha chuur hua
ab ke mausam sadiyon ka tahzibi rang
ḳhatm hua barbad hua kafur hua
shahr men tere kis se gila phir karte ham
‘aḳhtar’ jab apna hi saaya duur hua
Leave a Reply