Shakeel Gwaliari
ghalat hai sab to ye rusva.i kaisi
jo parbat ban ga.i vo raa.i kaisi
kabhi ḳhali samundar kar ke dekhen
nazar aati hai ki gahra.i kaisi
laga hai chand ko ye daagh kaisa
chhupi hai daagh men ye khaa.i kaisi
miri ye baat sun len durbinen
nahin hon aankh to bina.i kaisi
usi ki zaat ke hain sab karishme
buzurgon phir ye hatha-pa.i kaisi
agar baiTha nahin ho saanp us par
koi daulat nahin hai bhaa.i kaisi
mira to naam hi gha.eb hai ab ke
ye us ne dastan dohra.i kaisi
Leave a Reply