dil ka kya hai vo to chahega musalsal milna
vo sitamgar bhi magar soche kisi pal milna
vaan nahin vaqt to ham bhi hain adim-ul-fursat
us se kya miliye jo har roz kahe kal milna
ishq ki rah ke musafir ka muqaddar maalum
shahr ki soch men ho aur use jangal milna
us ka milna hai ajab tarah ka milna jaise
dasht-e-ummid men andeshe ka badal milna
daman-e-shab ko agar chaak bhi kar liin to kahan
nuur men duuba hua subh ka anchal milna
Leave a Reply