Dil Jalaya Teri Khushi Ke Liye

dil jalaya tiri khushi ke liye

ya khud apni hi agahi ke liye

haath par rakh ke apni ruh-e-tapan

ham chale apni rahbari ke liye

nuur ki mahfilon men rahte hain

jo taraste hain raushni ke liye

kitne alam sah gae ham log

ek be-nam si hansi ke liye

ab-e-haivan bhi gar mile to na len

apne mear-e-tishnagi ke liye

phir koi qahr hazrat-e-yazdan

koi tahrik bandagi ke liye

Leave a Comment