Dil Hai Ki Hamein Phir Se Udhar Le Ke Chala Hai

dil hai ki hameñ phir se udhar le ke chalā hai

ummīd se phir rishta-e-jāñ bāñdh liyā hai

aahaT pe na chauñko ki na aa.egī yahāñ maut

dastak pe na jaao ki ye āvāra huā hai

ab sañg mudāvā nahīñ āshufta-sarī kā

yaañ sañg se bhī phoḌ ke sar dekh liyā hai

kyā kījiye har kāvish-e-darmāñ huī mahdūd

har jāda-e-imkāñ hai ki masdūd huā hai

zinda haiñ bahar-taur ki marnā nahīñ bas meñ

tā-umr hamāre liye jiine kī sazā hai

ai dil kabhī patthar bhī kahīñ mom hue haiñ

jo ḳhvāb meñ dekhā hai kahīñ sach bhī huā hai

Leave a Comment