faiz-ahmad-faiz

Dil-E-Man Musafir-E-Man

mire dil, mire musafir

hua phir se hukm sadir

ki vatan-badar hon ham tum

den gali gali sadaen

karen rukh nagar nagar, ka

ki suragh koi paaen

kisi yar-e-nama-bar ka

har ik ajnabi se puchhen

jo pata tha apne ghar ka

sar-e-ku-e-na-shanayan

hamen din se raat karna

kabhi is se baat karna

kabhi us se baat karna

tumhen kya kahun ki kya hai

shab-e-gham buri bala hai

hamen ye bhi tha ghanimat

jo koi shumar hota

hamen kya bura tha marna

agar ek baar hota!

More Poems

Leave a Comment