Dil Bujha Gul Hue Charagh Bahut

dil bujhā gul hue charāġh bahut

ġham kā tūfāñ hai baaġh baaġh bahut

nuur kī bhiik to nahīñ māñgī

jhilmilāte rahe charāġh bahut

shahryārī hī kaj-kulāh nahīñ

muflisī bhī hai be-dimāġh bahut

jaane kis haal meñ hai tū ai dost

aaj raushan haiñ dil ke daaġh bahut

biitī yaado abhī na tum mahko

hai abhī tang sehn-e-bāġh bahut

koī sho.ala uñDel ‘sāġhar’ meñ

munjamid haiñ dil-o-dimāġh bahut

Leave a Comment