Dil Bahut Tang Raha Karta Hai

dil bahut tang raha karta hai

rang be-rang raha karta hai

husn men tere koi aib nahin

qubah men dang raha karta hai

sulh ki dil se hain yaan maslihaten

vaan sar-e-jang raha karta hai

mohtasib ko tire mastanon se

khauf-e-sarchang raha karta hai

dil mira pi ke mohabbat ki sharab

nashsha men bhang raha karta hai

farsi aar hai mujh majnun ko

nang se nang raha karta hai

jauhar-e-tegh dikhata hai husn

ishq chaurang raha karta hai

guftani haal nahin hai apna

kuchh ajab Dhang raha karta hai

halab-e-rukh men tire khalon se

lashkar-e-zang raha karta hai

manzil-e-gor ke divanon ke

siina par sang raha karta hai

alam-e-vajd tire maston ko

be-daf-o-chang raha karta hai

khunduq-e-dast-e-sanam se nadim

gul-e-aurang raha karta hai

tere gosh-e-shunava ka mushtaq

har khush-ahang raha karta hai

bandish-e-chust se teri ‘atish’

qafiya tang raha karta hai

Leave a Comment